Внатрешните проблеми на Шпанија, за оние кои не ги познаваат, стануваат појасни откако ќе се погледне картата на државата со обележани јазиците кои се зборуваат покрај шпанскиот.
Ако порано најголемиот проблем на Шпанците беа Баскијците кои преку терористичката група ЕТА извршуваа и напади со подметнати бомби, денес главен проблем се Каталонците. Нив ги има едноставно премногу и не живеат само во Каталонија туку и во историските каталонски земји како Валенсија и Балеарските Острови, иако отцепување бараат единствено на Каталонија.
Околу 10 милиони луѓе денес го зборуваат каталонскиот јазик (означен со црвено), кој во регионот Валенсија се нарекува валенсијански, но всушност е каталонски. Vkupni ima 12 милиони Каталонци во трите региони.
Со 2,5 милиони говорители следува галицискиот јазик кој е коофицијален во регионот Галиција (со сина боја). Мешавина од шпански и португалски, галицискиот е јазик на луѓето кои се декларираат како Галицијци и се посебен етникум со, исто така, претензии за независност, кои сепак се прилично мирни. Ги има речиси 3 милиони.
Дури на третото место доаѓаат екстремните Баскијци, на мапа прикажани со зелена боја. Баскиски јазик денес говорат околу 1,2 милиони луѓе, не рачунајќи ги оние кои живеат во соседна Франција бидејќи Баскија е одамна поделена помеѓу Шпанија и Франција. Фактот што баскискиот нема допирна точка со шпанскиот, за разлика од останатите малцински јазици, прави истовремено Баскијците да се поекстремни, но и полесно да го прифаќаат шпанскиот јазик. Во Шпанија живеат вкупно 2,5 милиони Баскијци од кои дури половина не го говорат својот мајчин јазик.
Потоа следуваат граѓаните кои ги говорат јазиците астурски, леонски и мирандски кои се доста слични и затоа се групирани заедно како астуролеонски јазик. Најмногу ги има во Астурија, а дел во Кастиља и Леон, околу 250 илјади (кафена боја).
Со само околу 10 илјади говорители е арангонскиот јазик (розева боја) кој е пред изумурање бидејќи е силно потиснат од шпанскиот, а етничките Арангонци се над милион.
На самото дно е окситанскиот јазик (крем боја) со само 5 илјади говорители. Се работи за јазик кој многу повеќе се говори во соседна Франција во областа Окситанија, а во Шпанија е присутен само во едно ќоше во Каталонија.
