Сенегалската ѕвезда е пресреќен поради првиот трофех освоен со неговата репрезентација, па се пофали со утрински фотки со пехарот и медалот в кревет.
Садио Мане синоќа го реализираше клучниот удар од 11 метри во пенал-рулетот протв Египет, не оставајќи му на соиграчот од Ливерпул, Мохамед Салах, да дојде на ред да шутира. Сенегал победи со 4:2 откако по 120 минути игра резултатот беше без голови. Но, сенегалскиот голгетер лесно ножеше да биде и трагичар откако претходно во 7. минута промаши пенал.
Напаѓачот на Ливерпул дома си замина и со наградата за најдобар играч на турнирот на кој постигна 3 гола и 2 асистенции на седумте натпревари.
Својата неопислива радост 29-годишниот Мане ја покажа на Instagram каде на своите следбеници им подари слики од него во својата хотелска соба во Јаунде како лежи в кревет со медалот околу врат и пехарот до него.
Мане влезе во историјата на „Лавовите од Теранга“ предводејќи ги до првата титула во историјата на оваа репрезентација. Иако Сенегал важи за една од најдобрите африкански репрезентации, никогаш претходно го немаше освоено Африканскиот куп на нации. Во 2002 загуби во финалето од Камерун со 2:3 пенали, а во 2019 со 0:1 од Алжир.
Но, пресметките со соиграчот Салах не се завршени бидејќи на крајот од март ги чека двомеч во баражот за пласман на Мундијалот во Катар.
