Microsoft повеќе нема да го надградува WordPad и планира целосно да ја отстрани оваа програма од оперативниот систем Windows.
Наместо WordPad, Microsoft ќе го препорача Word, платена програма која отсекогаш била многу побогата со функции и можности од основната апликација WordPad, која е дел од Windows уште од Windows 95.
„WordPad веќе не се надградува и ќе биде отстранет од идните верзии на Windows. Препорачуваме Microsoft Word за богати текстуални документи како што се .doc и .rtf и Windows Notepad за обични текстуални документи како што е .tx“, соопшти Microsoft.
Веста дека WordPad влегува во историјата доаѓа откако Microsoft објави дека ќе го подобри Notepad со функции како автоматско зачувување и автоматско враќање табови. Технолошкиот гигант го ажурираше Notepad во 2018 година за прв пат по години и продолжи да додава табови во верзијата Windows 11.
Од друга страна, WordPad не привлече толку внимание, беше ажуриран преку Ribbon UI интерфејсот за Windows 7, но по благиот редизајн на Windows 8, не доби ништо ново значајно.
Microsoft сега целосно ќе го отстрани WordPad од Windows, а неговиот последен крај најверојатно ќе го означи доаѓањето на верзијата на Windows 12 која се очекува во 2024 година со многу функции базирани на вештачка интелигенција.
