Во потег кој несомнено ќе налути многумина, Microsoft одлучи да ги прифати екраните на преклоп и да се откаже од својата идеја.
Се сеќавате на телефонот на преклоп Surface Duo, со два екрани? И ние често забораваме дека овие уреди постојат и не помогна што Microsoft не објави нов модел во 2022 година. Сепак, се чини дека има добра причина за тоа - гигантот од Редмонд наводно не можел да се одлучи за нов дизајн, но се чини дека на двоумењето му дојде крајот. Surface Duo 3 ќе има само еден свитлив екран.
Според Windows Central, извори запознаени со плановите на компанијата тврдат дека, по една година тестирање на прототипи, Microsoft одлучил да го промени правецот и да усвои „потрадиционален“ дизајн на телефон на преклоп, со шарка од 180 степени, внатрешен екран што се витка, како како и надворешен екран - слично на уредот Vivo X Fold.
Се тврди дека оваа одлука е донесена откако дизајнот со двоен екран беше финализиран за новиот Surface Duo модел, кој требаше да го видиме кон крајот на 2022 година и кој ќе донесе потенки рамки и поголема вертикална димензија на екранот, безжично полнење и бројни други подобрувања.
За жал, во потег кој сигурно ќе налути многу обожаватели на старата форма, дизајнот со двоен екран е отфрлен, а инженерскиот тим на Surface моментално е фокусиран на развој на уред кој може да се витка. Се вели дека овој потег е одговор на компанијата на мешаните критики за телефонот Surface Duo 2 по неговото лансирање во октомври 2021 година.
Според достапните информации, сè уште е рано за какви било вести за спецификациите и функциите на новиот телефон, а многумина се љубопитни да видат дали Microsoft и покрај свитливиот екран ќе продолжи со два посебни дисплеи или ќе видиме нешто сосема ново. Не е познато ниту кога овој модел би можел да стигне на пазарот, па не е реално да се очекува пред крајот на оваа година.
