Од Netflix се подготвени да платат неверојатна сума на 18- годишната актерка Мили Боби Браун за да ја повтори улогата на Енола Холмс.
Браун се прослави со хит серијата „Stranger Things“, а првпат ја презеде улогата на сестрата на детективот Шерлок Холмс во 2020 година. Иако Браун е одлично платена за улогата во серијата, се очекува нејзината плата за повторување на улогата да влезе во историјата.
Браун треба да добие 10 милиони долари за „Enola Holmes 2“. Ако навистина се исплати овој износ, тоа ќе биде најголемата сума исплатена на актерка помлада од 20 години.
Покрај Браун, се враќаат Хенри Кавил и Сем Клафин како постарите браќа Шерлок и Мајкрофт. Според IMDb, Хелена Бонам Картер исто така треба да ја повтори улогата на мајка.