Ерлинг Холанд статистички одигра уште една одлична сезона, постигнувајќи 41 гол на 41 натпревар за Борусија Дортмунд.
Фудбалерот коментираше на социјалните мрежи што сѐ се направи изминатава сезона, а пораката остави многумина зачудени. Причината е мистериозниот призвук на пораката за која многумина сметаат дека е најава за заминување на норвешкиот напаѓач од клубот од Дортмунд.
Еден од најдобрите стрелци на денешницата има само 20 години, а поради неговиот квалитет и младост, тој е интересен за најдобрите европски клубови. Медиумите секојдневно го преселуваат во најсилните и најбогатите англиски клубови, потоа во Барселона и Реал Мадрид, па сосема е јасно дека летово ќе има многу заинтересирани кои ќе пристигнат пред вратата на Борусија и ќе побараат разговор со челниците на клубот.
„Пресреќен сум за постигнатите 41 погодок, но работата не застанува сега. Никогаш не дозволувајте успехот да ве спречи да растете. Кога една цел е исполнета, се стремите да ја направите уште подобра. Искористете го секој момент да се подобрите“, рече Холанд и ја заврши пораката со зборовите:
„Летово ќе се сведи на напорна работа и продолжување по патот напред. Ако можам јас, можете и вие“.
Токму делот за понатамошен раст и патот кон понатамошниот развој, некои го толкуваат како можна најава за негово заминување во посилен клуб.