Дека социјалните мрежи можат да се користат за добри цели неодамна покажа и тиктокерот потпишан како Red.
Имено, тој го забележал писателот како седи на масата со тажен израз на лицето обидувајќи се да го промовира својот прв роман. Сепак, никој не се приближувал до неговата маса.
„Бев на шопинг кога го забележав овој човек како се обидува да ја промовира својата нова книга. Искрено, денес не читам книги. Но, нешто само ми рече да земам една“, напиша Red покрај видеото во кое писателот Шон Ворнер му објаснува дека тоа е научно-фантастичен роман.
Red го објави видеото на својот профил на TikTok, каде што го погледнаа над 18 милиони луѓе.
@internetfamouslol I was just shopping when i noticed this man trying to promote his new book. I honestly dont even read books nowadays. But something just told me to get a couple. #booksoftiktok #booktok #newauthor #showlovenothate #fyp #newbook #murdermystery #murdermysterybook #bookgiveaway ♬ original sound - Red
Тогаш се случи нешто што Шон не можеше ни да го сонува во своите најлуди соништа.
Трогнати од виралното видео, луѓето побрзаа да си купат примерок од книгата „Leigh Howard and the Ghosts of Simmons-Pierce Manor“, а крими-романот на Шон моментално е најпродаваниот на Amazon.
Шон сними свое видео, кое започнува со зборовите: „Љубовта и љубезноста продолжуваат да доаѓаат. Ќе мислите како писател имам зборовите за тоа, но немам - само благодарам“.
Инаку, Шон својот живот го опиша како фантастична авантура.
„Дефинитивно најнаградувачкиот дел е оној каде што сум сопруг на неверојатна сопруга и татко на две одлични деца кои сега се пораснати. Јас бев падобранец, терапевт и инженер. Порано скокав со падобран, нуркав, тренирав боречки вештини и банџи скокање. Сега го живеам мојот детски сон да станам писател. Какво возење“, изјави за профилот на Red.
@shawnwwrites I have no words aside from Thank You supporting Leigh Howard and the Ghosts of Simmons-Pierce Manor! @internetfamouslol, @giwarnertamuedu. #booktok #booksoftiktok #newauthor #newtotok #yabooks ♬ original sound - Shawn
