Добра вест за сите љубители на ракометот, особено за навивачите на македонската репрезентација. Денеска МРТ официјално соопшти дека ќе ги пренесува натпреварите од претстојното Европско првенство.
Правата за територијата на Македонија веќе ги имаше откопено Arena Sport, па периодов Македонската радио-телевизија водеше интензивни преговори за да обезбеди пренос и со македонски коментатор.
Преносот на националниот сервис е особено важен поради тоа што голем дел од граѓаните немаат Arena Sport бидејќи овие странски канали со години е се достапни на сите оператори.
Како што соопшти коментаторот Драган Николовски од МРТ, директни преноси од фазата по групи ќе има во термините од 18:00 и од 20:30 часот, а потоа и од 15:30, од 18:00 и од 20:30 во главната рунда.
И овој пат нема да изостанат интересните специјални студиски емисии со еминентни гости и стручни анализи кои ќе одат пред натпреварите на Македонија, како и пред полуфиналето и големото финале.
Петнаесеттото издание на ЕХФ ЕУРО почнува на 13 јануари, кога стартува и македонската репрезентација.
13 јануари, 18:00:
Словенија - Македонија
15 јануари, 18:00:
Македонија - Црна Гора
17 јануари, 20:30:
Македонија - Данска
