Како што пренесува Corriere dello Sport, Жозе Мурињо добил понуда од Саудиска Арабија вредна 120 милиони евра.
Шеиците наводно пред него ставиле договор вреден 120 милиони евра, а Мурињо може да избере дали ќе го преземе Ал Наср или репрезентацијата која моментално нема селектор.
Титулата најплатен тренер во светот моментално ја носи Диего Симеоне со 34 милиони евра годишно. Мурињо доколку ја прифати понудата од Блискиот Исток ќе го преземе врвот на листата со 60 милиони евра годишно.
Одговорот сѐ уште не е познат, но сигурно е дека Мурињо сезоната ќе ја заврши во Рома каде ќе се обиде да освои нов европски трофеј.