Легендарниот капитен на Рома, Франческо Тоти следната година би требало да се врати во клубот во кој ја помина целата кариера (1993-2017). Тој на италијанските медуми им откри дека имал долг разговор со тренерот на „Волчицата“, Жозе Мурињо.
Мурињо постојано се жалеше дека тој е единствениот човек во клубот кој зборува за медиумите во врска со контроверзите околу клубот или тимот, поради што во неколку наврати беше казнет.
Португалскиот стручњак сака тој дел од работата да го преземе клупската легенда со речиси 800 настапи и повеќе од 300 голови за Рома.
„Понекогаш се допишуваме и разговаравме и на телефон, тој сака да се вратам во Рома. Тоа може да се случи следната година. Мурињо е одличен како личност, а како тренер е најдобар. За да победиш потребни се големи играчи, но исто така и тренер кој може да помогне и мотивира. Навреда е да го критикуваш Мурињо“, изјави Тоти.