Саудиски Ал-Хилал, како и многу клубови од таа земја, започна голема офанзива на летниот фудбалски трансфер пазар.
Веќе потпиша со сенегалскиот тандем од Челси, 31-годишниот голман Едуардо Менди и една година постариот стопер Калиду Кулибали.
Ал-Хилал освен засилувања со играчи, решение бара и на тренерската клупа каде сака да има добро познато име. Италијанскиот трансфер инсајдер Фабрицио Романо пренесува дека Жозе Мурињо бил на врвот на неговата листа со желби, но 60-годишниот Португалец одбил понуда од 30 милиони евра по сезона.
Според Романо, Мурињо сака целосно да се посвети на проектот што го почна да го гради во Рома и не сака да го напушти клубот од италијанската метропола. Да потсетиме, по отказот од Тотенхем на почетокот на 2021 година, многумина веруваа дека Мурињо повеќе нема место во тренерската елита.
Дотогаш тој веќе имаше понуди надвор од Европа, но Португалецот следното лето ја презеде Рома и ги замолкна критичарите. Во првата сезона ја освои Конференциската лига и му го донесе на клубот првиот европски трофеј, а во последната сезона речиси го повтори тој подвиг, но беше запрен од Севиља во финалето на Лига Европа.