Селекторот Лазаров мораше итно да прави измени во составот откако синоќа последните тестирања покажаа 5 позитивни тестови, од кои 4 кај играчи и 1 тренер.
За Европското првенство кое почнува в четврток отпаднаа голманите Никола Митревски и Марко Кизиќ, крилото Гоце Ојлески и левиот бек Михајло Младеновиќ. Петтиот позитивен е кондицискиот тренер Петар Баснарков.
Поради ваквиот развој на настаните на голманската позиција, дополнителен повик добија голманите на Бутел и Еурофарм Пелистер, Градимир Чаневски и Благојче Трајкоски.
Што се однесува до позитивните, тие не отпаѓаат дефинитивно туку ќе мора 5 дена да бидат во изолација, а потоа доколку добијат два негативни теста ќе можат да ѝ се стават на располагање на репрезентацијата.
Денеска во 14:10 репрезентацијата полетува за Дебрецен, а финалниот список на ракометари на кои Кирил Лазаров ќе смета е следниов:
Голмани:
Мартин Томовски - Вардар 1961
Градимир Чаневски - Бутел
Благојче Трајкоски - Еурофарм Пелистер
Бекови:
Филип Миркуловски - Вецлар (Германија)
Игор Ѓоргиев - Алкалоид
Марко Митев - Бутел
Горан Крстевски - Форшани (Романија)
Десни бекови:
Кирил Лазаров - Нант (Франција)
Мартин Велковски - Еурофарм Пелистер
Мартин Серафимов - Алкалоид
Леви бекови:
Филип Талевски - Вардар 1961
Филип Кузмановски - Ханофер-Бургдорф (Германија)
Марко Мишевски - Алкалоид
Десни крила:
Никола Костески - Еурофарм Пелистер
Гоце Георгиевски - Вардар 1961
Леви крила:
Цветан Кузмановски - Еурофарм Пелистер 2
Бојан Маџовски - Еурофарм Пелистер
Пикери:
Стојанче Стоилов - Вардар 1961
Жарко Пешевски - Штутгарт (Германија)
Костадин Петров - Металург
Кристијан Симоновски - Алкалоид
Првиот предизвик за Македонија е в четврток кога од 18 часот играме против силната Словенија во салата „Феникс“ во Дебрецен, Унгарија.
Потоа в сабота во истиот термин играме против Црна Гора, а на 17-ти групната фаза ја завршуваме против фаворитот Данска од 20:30 часот. Само првите две од секоја група продолжуваат понатаму.
