Дизајнерската куќа Bottega Veneta неодамна претстави малку необичен моден додаток – дебел ремен/корсет кој се обвиткува околу половината. Иако доаѓа во две бои, светло зелената нијанса е исклучително популарна на Instagram, а ова кожно парче чини 2.500 долари.
Парчињата што ги презентираше италијанската модна куќа Bottega Veneta во последните сезони ги воодушевуваат љубителите на модата, почнувајќи од оригинални додатоци, преку чевли со дебел ѓон, гумени чизми од талог од кафе и чанти украсени со тешки метални синџири.
Иако најчесто најмногу внимание се посветува на чантите, овој пат најголемиот хит на Instagram е всушност прилично гломазен моден додаток кој наликува на ремен и корсет во исто време.
Овој кожен ремен се обвиткува околу половината неколку пати, а е направен од вистинска кожа и можете да изберете помеѓу две бои - светлозелена или темнокафеава.
Модните инфлуенсери искомбинираа ремен/корсет со сакоа во класичен стил, а модната куќа Bottega Veneta сугерира дека може да се носат и поголеми сакоа, со кои ќе добиете изглед како да носите фустан.
Судејќи според фотографиите од социјалните мрежи, моделот во зелена боја е многу попопуларен во споредба со кафената, и најчесто се комбинира со црна облека.