Предмет на проучување на научниците од НАСА во изминатите месеци беше јупитеровата месечина Ија, необична планета на чија површина се наоѓаат над 400 активни вулкани.
Јупитеровата месечина Ија поретставува еден од најинтересните објекти за проучување внатре во Сончебвиот Систем. Со своите над 400 активни вулкани се наоѓа помеѓу геолишки најактивните, а научниците објаснуваат дека оваа крајност е резултат на плимното загревање поради триењето создадено во неговата внатрешност додека се движи помеѓу т.н. Галилејски Месечини, односно Европа, Ганимед и Калисто.
Поради оваа причина, необичниот објект е предмет на проучување на бројни научници, а бидејќи сондата Juno лета околу Јупитер и неговите сателити од 2016 година, податоците за неа постојано се ажурираат. Новата слика објавена пред два дена од страна на научниците на НАСА, покрај тоа што им дава информации за тоа каде се наоѓаат најголемиот број вулкани на неа, открива и како изгледа овој светлечки систем од сулфурна пареа од далечина од 80.000 километри.
„Можете да видите вулкански жаришта на него. Тоа ни даде можност да следиме како се формираат и се одвиваат настаните на Ија“, рече главниот истражувач на вселенското летало Juno на НАСА, Скот Болтон, на прес-конференција во средата. Тоа резултираше со откритие дека најмногу вулкани на него не се наоѓаат во неговиот екваторијален дел, туку во поларните региони.
Поради сето горенаведено, планот е Juno на 15 декември повторно да се приближи до третата по големина месечина на Јупитер, да направи нови снимки и да собере информации кои ќе кажат повеќе за нејзиниот магнетизам, поради што на Јупитер се формира поларнa светлина. Затоа, ова ќе биде прво од деветте планирани прелетувања во негова близина што ќе се случат во следната година и половина.
„Додека гледаме како тука се менува вулканската активност, тие ја движат гигантната магнетосфера на Јупитер“, рече Болтон во средата. Објасни и дека аурорите не се разнобојни прикази на светлина уникатни за нашата планета, туку дека можат да се видат и на други планети, како што е Јупитер, кој е апсолутен рекордер кога станува збор за интензитетот на нивниот сјај.