Британскиот астрофизичар Стјуарт Кларк, автор на книгата „Unknown Universe“ во едно интервју објаснува зошто одредени поединци и понатаму веруваат дека Земјата е рамна.
Во прилог прочитајте ја неговата целосна изјава:
„Многу е очигледно дека земјата не е рамна, тоа може да се провери на многу начини, на пример, кога бродовите ги напуштаат пристаништата и полека исчезнуваат од хоризонтот.
Целата наша физиономија е создадена во рамките на кружната планета, светот е тродимензионален. Дури и кога слики од вселената докажуваат дека нашиот свет е еден глобус, и понатаму постојат луѓе кои веруваат дека Земјата е рамна.
Ние сме човечки суштества и сакаме приказни, бидејќи тие им даваат смисла на нашите животи, нашиот свет, му даваат смисла, дури и тогаш кога се неразбирливи. Науката е сепак, единствена приказна која е вистинска и која своите тврдења може да ги докаже со експерименти.
Но, како што гледаме, постојат приказни кои можат и егзактната наука и целото постоење на универзумот да го доведат до под знак прашалник.
Таквите приказни се доста покомплицирани, бидејќи луѓето кои веруваат во нив ја одбиваат реалноста, па дури и науката, благодарение на удобните митови во кои веруваат. Во својата приказна се чувствуваат како дома, митовите ги прават среќни, бидејќи ги познаваат.
Теоријата дека Земјата е рамна е една од нив. Ако навистина верувате во тоа, тогаш поставете си неколку прашања. Колку е тогаш дебела обвивката на земјата?
Велите дека Земјата има рабови, па зарем нешто не би паднало од тие рабови? Рамната површина е многу нестабилна, што значи дека треба други сили да ја тераат да биде флексибилна и постојано да се поместува.
Тешко е воопшто да се зборува околу тоа како би изгледала навистина ако Земјата е рамна, бидејќи тоа е невозможно“, заклучува тој во својата изјава.