„Нечиста крв“ на ИРЛ номиниран за најпрестижната глобална награда за истражувачко новинарство

Документарниот филм „Нечиста крв“ на Истражувачката репортерска лабораторија Македонија е номиниран за најпрестижната глобална награда за истражувачко новинарство - Global Shining Light Award доделена од Global Investigative Journalism Network (GIJN).

Тема на истрагата и сторијата што ја потресе македонската јавност е една од најголемите приватни клиники во државата и нејзиниот сопственик, д-р Жан Митрев. Ова истражување се базира на 24 пријави на граѓани од Македонија и Косово кои новинарките на ИРЛ ги истражуваа и верификуваа повеќе од 22 месеци.

За наградата аплицираа 419 учесници од 84 земји, од коишто се одбраа 12 финалисти. Документарниот филм на ИРЛ е избран во категоријата „мали и средни медиуми” меѓу 6 финалисти, соопштија од ИРЛ преку социјалните мрежи.

Церемонијата за доделувањето на наградата ќе се одржи во Гетеборг, Шведска во септември.

„Ова е првата номинација за престижната награда што ја добива македонски медиум. Ви благодариме на поддршката и довербата“, велат од ИРЛ во објавата.

Повеќе за наградата и останатите номинирани може да прочитате ТУКА.