За првпат во Франција поранешен претседaтел ќе биде изведен пред суд за корупција.
Судскиот процес за корупција и злоупотреба на службена должност ќе се одржи од 5 до 22 октомври, соопшти судот во Париз.
Саркози беше претседател на Франција од 2007 до 2012 година. Осомничен е дека во почетокот на 2014 година се обидел да добие со посредство на својот адвокат Тиери Ерзог тајна инфомација од поранешниот судија Жилбер Азибер во замена за помош за добивање функција во Монако.
Во јуни судот ги одби жалбите на Саркози, Ерзог и Азибер. Во следните месеци на Саркози ќе му се суди и за незаконско финансирање на предизборната кампања во 2012 година. Датумите за тоа дело сè уште не се објавени.