Новак Ѓоковиќ постигна уште еден неверојатен рекорд во кариерата, бидејќи сега ја започнува 378-та недела на врвот на АТП листата, со што ја надмина Штефи Граф, која таму беше 377 недели.
Ѓоковиќ за прв пат беше на врвот на 4 јули 2011 година на 24 години и 43 дена. Оттогаш не поминаа ни 12 години, а тој сè уште е таму.
Тој во март ги престигна 310-те седмици на Роџер Федерер, а сега е прв со 6.980 поени. Карлос Алкарас беше блиску до израмнување на бодовите - ќе успееше доколку го освоеше трофејот во Рио - но и во тој случај Новак ќе беше прв, бидејќи при ист број на бодови ќе беа земени предвид титулите освоенби на најголемите турнири (слемови, мастерс и АТП финалиња).
„Среќен сум и горд поради тоа. Се обидов да одржам високо ниво на игра и посветеност сите овие години. Тоа е резултат на работа, труд, љубов, волја и страст за спортот. Сето тоа во пакет ме доведе до такви височини. Од една страна сакам да уживам во моите успеси и да ги доживувам како што треба, но не премногу, бидејќи морам да свртам нова страница, така е во тенисот“, изјави Ѓоковиќ.
Тејлор Фриц за прв пат во кариерата е во топ 5, на петтото место, Рафаел Надал падна за две места и сега е осми, а меѓу нив се Андреј Рубљов и Даниил Медведев.
Треба да се издвои и враќањето на Стен Вавринка во топ 100, на 97. место.
