Контроверзниот австралиски тенисер Бернард Томиќ направи невиден скандал во Мелбурн, во време кога е актуелно прашањето околу настапот на неговиот колега Новак Ѓоковиќ.
На мечот со Роман Сафијули, во квалификациите за Австралија Опен, Томиќ призна дека се чувствувал многу лошо и дека тоа е затоа што се заразил со коронавирус.
Во еден момент од вториот сет му пријде на судијата и го прашаа дали му треба лекар, но Томиќ одговори негативно и ги шокираше сите.
„Убеден сум дека имам коронавирус, ви велам дека ќе бидам позитивен во следните два дена. Ве уверувам“, му повтори Томиќ на судијата.
Тој продолжи да игра.
„Видете, ако не сум позитивен за три дена, ќе ве поканам на вечера. Во спротивно, вие ќе платите“, додал Томиќ.
Останува прашањето зошто Томиќ не се повлече од натпреварот доколку бил убеден дека го има вирусот.
Веднаш по натпреварот, кој го загуби со 6:1, 6:4, отиде во хотелска изолација.
