Градоначалничката на град Скопје, Данела Арсовска, објави видео од новогодишната атмосфера во главниот град на државава и предизвика низа коментари.
Многумина ѝ замеруваат за недостигот од новогодишни декорации и сугерираат дека помалите градови не само што се поубаво украсени, туку се и повеќе посетени, за разлика од Скопје. Има и такви кои се одушевени и задоволни од „новогодишната магија“.
Видеото, со наслов „Новогодишна магија во Скопје“ е објавено и на Facebook профилот на Град Скопје, но и таму коментарите се слични.
„Супер изгледа, новогодишната еуфорија полека се чувствува насекаде“, „Колку кошта оваа магија“, „Преубаво, најубаво“ се дел од коментарите на Facebook.