Дефинитивно Карлос Саинс ќе го заземе местото од Себастијан Ветел во наредната сезона во тимот на Ферари.
И италијанскиот производител, како и самиот возач, ја потврдија официјализацијата на соработката. Саинс потпишал двегодишен договор што значи дека ќе соработува со Шарл Леклер и во сезоната 2022.
„Многу сум среќен што ќе возам за Скудерија Ферари во 2021 и сум возбуден за иднината во тимот. Сѐ уште имам важна година пред мене со МекЛарен Рејсинг и едвај чекам да се вратам да возам за нив сезонава“, објави Шпанецот на својот Twitter прифил.
Родум од Мадрид, 25-годишниот Саинс веќе 6 сезони е дел од Ф1. Досега има извозено 102 трки бранејќи ги боите на Торо Росо, Рено и МекЛарен. Негов најдобар резултат досега е третото место на Бразилското ГП минатата сезона, што всушност е и негов единствен подиум. Таа 2019 сезона ја заврши на 6. место во генералниот пласман.
