Стапката на смртност од омикрон варијанта на коронавирусот е значително помала од претходните бројки и изнесува 25% во однос на претходните смртни случаи, според податоците од големото истражување за смртност во Јужна Африка.
Научниците од Универзитетот во Преторија и Националниот институт за заразни болести во Јужна Африка следеле пациенти примени во големата болница во градот Тсвани во провинцијата Гаутенг, кој се смета за епицентар на омикрон, пишува британски The Telegraph.
Смртноста е четири пати помала
Тие откриле дека само 4,5% од пациентите примени во болница починале за време на бранот на варијантата омикрон, во споредба со дури 21,3% од оние кои починале пред појавувањето на омикрон.
„Доколку овие податоци се пренесат на светско ниво, би дошло до целосно раздвојување на стапката на зараза и смртност, што би значело крај на епидемијата и влез во ендемијата“, заклучува научниот тим.
Неодамнешните податоци од Обединетото Кралство покажуваат дека стапката на смртност е падната на коефициент 1,12 (1 починат на 833 заразени) откако се појави омикрон, во споредба со 3,3 (1 починат на 30 заразени) минатата зима, иако бројките за смртност ќе бидат попрецизни за неколку недели, пишува The Telegraph.
Новото истражување од Јужна Африка покажува и дека просечниот престој на пациентите во јужноафриканските болници за време на бранот омикрон бил четири дена. Во претходните бранови на коронавирусот, просечниот престој на заболените пациенти во болница беше 8,8 дена.
Научниците утврдиле и дека кај дури 63% од хоспитализираните пациенти омикрон бранот бил откриен случајно, односно дури по приемот во болница поради некоја сосема друга причина.
Четири пати помалку луѓе на интензивна нега
Бројот на пациенти на кои им е потребна интензивна нега исто така е далеку помал, само 1% во споредба со 4,3% во текот на претходните бранови, а само една третина имале пневмонија, од кои 72% имале благи до умерени симптоми.
Помалку од половина (45%) од пациентите морале да добијат кислород, во споредба со дури 99,5% во првиот бран.
Најголем број кревети во Универзитетската болница „Стив Бико“, во која се вработени јужноафриканските истражувачи, биле окупирани од пациенти со COVID-19 за време на омикрон бран на 13 декември 2021 година - 108 кревети, што е многу помалку од највисокиот број за време на претходните бранови, кога на 13 јули 2021 година 213 кревети беа зафатени на врвот на делта бранот.
Во истражувањето биле опфатени 466 пациенти примени во болничкиот комплекс „Стив Бико“ од 14 ноември, а научниците ги споредиле со 3.967 пациенти примени пред тој датум.
„Во бранот омикрон што започна од градот Тсвани, сериозноста на клиничките слики беше намалена, бидејќи имаме помалку смртни случаи, скратен е приемот на интензивна нега и времетраењето на болничкиот престој. Постојат јасни знаци дека стапката на инфекции и приеми во болница може дополнително да се намали во Јужна Африка во следните недели“, напишаа авторите на студијата во објавена во списанието International Journal of Infectious Diseases.
Научниците посочуваат дека просечната возраст на примените во болница е значително помала, 39 години наспроти 49 години за претходните бранови, што веројатно е причина за помалиот број случаи.
Тие нагласија дека претходното заболување и вакцинацијата помогнале да се промени клиничката слика на вирусот, но дека не можат да ја исклучат можноста дека омикрон е едноставно понеопасна варијанта на коронавирусот.
Околу 66,7% од жителите на Тсвани имаат ковид антитела, иако само 36% од возрасните на возраст меѓу 18 и 49 години се вакцинирани, а над 50 години се 58%.
