Во Србија, 25 до 30 проценти од населението се стекнало со имунитет на коронавирусот SARS-CoV-2 и само со вакцината може да се постигнат потребните 60 проценти, што е доволно за да се запре ширењето на вирусот, велат од Институтот за примена на нуклеарна енергија.
Марија Гњатовиќ од овој институт изјави дека граѓаните не треба да се плашат од вакцинирање затоа што сега се применува технологија што постои од порано.
„Не би требало да има некаков голем страв од прима каков било вид вакцина. Секако дека се добри и вакцината на Pfizer, и руската, и кинеската. Руската и кинеската се засноваат на некои стари принципи, а Pfizer е нешто помодерна“, изјави Гњатовиќ за Танјуг.
Таа додаде дека вакцините се очекува да бидат ефективни повеќе од 90 проценти по втората доза и додаде дека ефектите од вакцинацијата ќе се следат.
Гњатовиќ вели дека во тек е испитување на оние кои ја примиле првата доза на вакцината на Pfizer/BioNTech.
