Битолчани своите амбиции ќе се обидат да ги остварат со Стипе Мандалиниќ кој доаѓа од берлински Фихсе како најново засилување за наредната сезона.
Левата бековска позиција во Еурофарм Пелистер ќе биде осетно засилена откако потпис на двегодишен договор стави хрватскиот репрезенттаивец Стипе Мандалиниќ.
„Добровечер Битола, добро вечер на сите фанови на Еурофарм Пелистер, здраво за Чкембарите. Официјално сѐ е готово, јас сум нов играч на РК Еурофарм Пелистер, се гледаме наскоро и тргнуваме кон освојување на титулата“, изјави Стипе во видео порака од Загреб.
Родум од Сплит, Мандалиниќ кариерата ја почна во локалниот клуб Сплит, а потоа преку Карловац и Загреб дојде до Фихсе каде настапуваше од 2017. Во меѓувреме настапи на 42 натпревара за репрезентацијата на Хрватска при што постигна 49 голови, а беше дел од ЕУРО 2014 и 2018, како и Мундијалите во 2013 (бронза) и 2017.
