Обрнете внимание на овие 5 знаци на токсично пријателство. Имате ли вие ваков пријател?
Исто како што и токсичните врски брзо пламнуваат, така се случува и со многу пријателства. Доколку некој сака премногу брзо, наметливо на секој можен начин да се имплементира во нашите животи тоа треба да ви биде знак за аларм. Кои му се намерите ако премногу брзо ни се отвора и дали истото го очекува и од нас? Треба ли да се отвораме пред непозната личност?
Поставете граници, почекајте прво да се запознаете, па потоа да го продлабочите односот.
Секогаш таа е подобра, попаметна, поубава, покрај неа се чувствувате помалку вредно. Не ве разбира и не ве прифаќа таква каква што сте. Најчесто ве осудува, а понекогаш дури и ве навредува. Навредите можат да бидат во вид на шега. Дали воопшто ви треба ваква пријателка?
Љубоморната пријателка може во целост да ги игнорира вашите добри вести и да ја намали нивната вредност за да испадне дека добрата вест и не е толку добра работа. Не ги поддржува вашиот раст и развој, бидејќи не работи на сопствениот.
Се случува по дружбата со оваа личност да се чувствувате исцрпено, скршено, лошо. Како да ви ја исцрпела позитивната енергија. Не ви треба емоционален вампир во животот.
Никој од вашите пријатели не е доволно добар, ниту еден ваш партнер не чини. На овој начин се велича себеси и сака да покаже дека е најдобра, дека само со неа треба да се дружите.