Во чест на своето деби во Европа и Северна Америка во сезоната 2024, Ferrari го претставува 296 Challenge и голем број нови функции во споредба со Ferrari 488 Challenge Evo, објавија Италијанците.
Како што се додава, новиот Ferrari 296 Challenge е всушност олицетворение на нова филозофија да му се даде на патниот автомобил максимална можна функционалност на стаза.
Решенијата применети на Ferrari 296 Challenge се сосема слични на оние што можевме да ги видиме во 296 GT3, кој дебитираше оваа сезона. Изведен од моделот 296 GTB, 296 Challenge воведува значителни промени кога станува збор за моторот, аеродинамиката и динамиката на возилото.
Ferrari истакнува дека ова е првиот болид во историјата на шампионатот кој е придвижуван од V6 мотор од 120 степени. Станува збор за твин турбо мотор од 2.992 кубика, а нема хибридна компонента. Има 700 КС и максимален вртежен момент од 740 Nm, па, се посочува, е поставен нов рекорд кога станува збор за односот моќност/зафатнина – во овој случај тоа е 234 КС/л.
ABS EVO Track, адаптација на системот за прв пат воведен кај Ferrari 296 GTB, исто така се појавува за прв пат во овој модел, а има и додавање на нови сопирачки дискови CCM-R PLUS. Покрај тоа, Италијанците се особено горди на новите 19-инчни гуми Pirelli.
