Јакуб Котовиц е ветеринар од Полска кој многумина го сметаат за херој откако спаси над 200 животни кои се најдоа во центарот на воената зона во Украина. Досега во три конвои има спасено над 200 мачки и 60 кучиња.
Кога имал 17 години ветеринарот отворил добротворна организација за спасување животни, а сега ја користи за спасување животни заробени во војната.
Се надева дека ќе купи возило за брза помош и ќе оформи центар за спасени животни, како и магацин за пакување резерви на храна.
И покрај тоа што се спасени, некои животни морало да бидат успиени. Меѓутоа, неколку здрави и закрепнати животни повторно ќе бидат вдомени низ Европа. Две мачки повторно се заедно со нивните украински сопственици.
„Сите миленичиња се под голем стрес, патот од Лавов трае еден ден и ние ја минавме границата со дипломатска пропусница, но, редот од Украина беше предолг“, раскажа ветеринарот.
Сега ги подготвуваат животните за згрижување. За оние кои се повредени или се во лоша состојба ветеринарот ќе се грижи по неколку месеци.
Тој раскажа дека многу луѓе дошле кај него, прашувајќи дали успеал да ги спаси и нивните домашни миленици.
