Обилните снежни врнежи од невремето Филомена ги ставија во вонредна состојба Мадрид и други делови на Шпанија, поради тоа што е нарушен сообраќајот и некои региони се принудени да испраќаат војници да ги расчистат патишта.
Со прогноза за снег до 20 сантиметри за 24 часа и температури од околу 0 степени Целзиусови, југот на регионот Мадрид за првпат беше на највисоко ниво на подготвеност од создавањето на системот во 2007 година.
Големи паркови во главниот град се затворени.
Припадници на единицата за вонредни состојби на шпанската армија помогнаа во расчистување на патиштата и инфраструктурата низ целата земја, соопшти Министерството за одбрана.
Снегот зафати околу 280 главни патишта, соопштија властите и ги замолија граѓаните да избегнуваат патувања.
Аеродромот во Мадрид е затворен од синоќа, поради што се откажани најмалку 50 летови, а припадниците на армијата со часови патуваа кон возачите заробени на патиштата околу Мадрид.
Според метеоролозите, ќе има снег како во февруари 1984 година или во март 1971 година.
Најниската температура досега забележана на Пиринејскиот полуостров е регистрирана во средата, со измерени минус 34 степени Целзиусови на северот на земјата.
Снег паѓа во Мадрид од четвртокот.