Рон Џереми, некогашна ѕвезда во порно индустријата, е обвинет по дополнителни 20 точки во обвинението за сексуален напад.
Тој на минатонеделното рочиште се изјасни за невин по обвинувањата за силување за кои се товари.
Пред два месеца Џереми беше обвинет за три случаи на силувања и еден сексуален напад извршени во периодот од 2014 до 2019 година. Засега тој ги негира сите обвиненија.
Сега 67-годишниот поранешен порно актер сега се товари по уште 20 точки за сексуален напад, за дела извршени во период од 14 години. Го обвинуваат 13 жртви, меѓу кои една тинејџерка, откри Јавното обвинителство на Лос Анџелес.
Ако биде прогласен за виновен по сите овие обвиненија, на Џереми му се заканува затворска казна од над 250 години.
Следното рочиште е закажано за во октомври.
