Мароканскиот боксер Јунес Баала направи скандал на Олимписките игри во Токио откако се обиде да му го одгризе увото на ривалот Дејвид Ники.
Баала беше многу нервозен откако неговиот ривал го совлада и беше близу до победата, па се обиде да му го одгризе увото на Новозеланѓанецот, кој на крајот славеше со резултат 5:0.
Таа сцена веднаш потсети на култната борба помеѓу Мајк Тајсон и Евандер Холифилд во 1997 година.
За разлика од гризењето на Тајсон, овојпат не бликна крв во арената и целата ситуација не беше толку драматична. Сепак, зачудувачки е што Баала не беше суспендиран по ваквиот потег. По неспортскиот потег на Мароканецот, натпреварот продолжи врз основа на одлуката на судијата.
Можно е Мароканецот да се соочи со казна и можна суспензија по донесувањето на конечната одлука.