Во ноември, Honda ќе го лансира Motocompacto, духовниот наследник на прекрасниот скутер Honda Motocampo од 80-тите.
Кога е преклопен, скутерот изгледа како преклопна масичка за на пикник, со малите алуминиумски тркала кои штрчат од дното. За да се трансформира во скутер потребно е да се извлечат рачките, седиштето и задното тркало. Скутерот е долг околу еден метар.
Благодарение на алуминиумските тркала и рамката, скутерот е прилично лесен со своите 18,6 килограми и припаѓа во истата класа како и стандардните електрични велосипеди, а досегот му е нешто повеќе од 19 километри. Полнењето на батеријата трае 3,5 часа, а дел од скутерот е полнач кој овозможува поврзување со штекер од 110 волти.
Скутерот е дизајниран да може лесно да се носи во јавен превоз, а тоа би можело да му помогне да привлече клиенти кои ги сакаат придобивките од електричниот велосипед или скутер без да се грижат дали ќе ги заклучат и ќе ги чуваат безбедно.
Motocompacto е дел од големиот план за електрични возила на Honda во кој компанијата сака да ја замени целата своја постава со електрични возила со батерии и електрични возила со горивни ќелии до 2040 година.
Honda Motocompacto ќе се појави на пазарот во ноември по цена помала од 995 долари.
