Премиер лигата на фудбалскиот клуб Евертон под „итно“ му одзеде 10 бодови поради прекршување на правилата за финансиски фер-плеј, објави BBC.
Лигата објави дека клубот од „Гудисон Парк“ извршил сериозни прекршувања на правилата во врска со профитот и финансиската одржливост на клубот.
Тоа е најстрогата казна во историјата на Премиер лигата.
Од клубот стигна соопштение во кое се вели дека „клубот е и шокиран и разочаран“ и дека тоа е „несразмерна и неправедна казна“.
Евертон во досегашниот дел од сезоната освои 14 бодови, но поради казната ќе остане на само 4 и ќе падне на последната позиција. Ист број бодови има и Барнли.
Од оваа гледна точка, Евертон и не помина толку лошо, бидејќи има само 5 бодови помалку од Борнмут, кој се наѓа на 17-тото место, а кое носи опстанок во лигата.
