Џејмс Мартин е заслужен за пронајдокот за кој се верува дека досега спасил 7.600 луѓе, а тоа е катапултот за пилоти.
Овој пронаоѓач од Северна Ирска дизајнирал катапулт за пилоти во 1944 година. Ретки фотографии од пронајдокот, како и прототипови, се изложени во Музејот за транспорт во Улстер, Северна Ирска.
„Беше решен да не работи за други, туку да работи за себе. Големата пресвртница во неговиот живот беше кога почна да зема часови по летање со капетанот Валентин Бејкер. Двајцата веднаш формираа партнерство и станаа добри пријатели и одлучија да започнат компанија - The Martin-Baker Aircraft company (Авиокомпанија Мартин-Бејкер)“, раскажува Клер Аблет од Музејот за транспорт.
Потоа Бејкер загинал, што значително влијаело врз работата на Мартин, односно го поттикнало да измисли катапулт за пилоти.
„Капетанот Бејкер загина при тестирање на воен авион, а тоа драматично го погоди Мартин. Затоа тој беше навистина посветен да даде сѐ од себе за да создаде нешто што ќе спречи смрт на пилотите. Во есента 1944 година започна да работи на создавање на асистент систем со кој пилотот ќе може да избега од авионот“, продолжува таа.
Првиот човек што го тестирал овој систем, вели Аблет, бил вработен во споменатата компанија, извесен Бернард Линч, и тоа се случило во 1945 година. Таа го опиша тој момент како „апсолутно застрашувачки“. Системот, пак, до сега има спасено 7.600 животи, пишува BBC.
