Денеска е последниот ден од тестирањето на болидите за новата сезона во Формула 1 во Бахреин, а исто како и вчера, тренинзите беа прекинати поради неочекувани проблеми на 11. кривина.
Вчерашниот тренинг беше прекинат по два часа кога болидите на Шарл Леклер и Луис Хамилтон излетаа од боксот при влегувањето во 11. кривина, а за безбедност на возачите беше покажано црвеното знаме.
Рано утринава започна последниот ден од тренингот, а на истото место овојпат Серхио Перес удри во капак на шахта и тренингот беше прекинат.
Работниците на патеката се обидуваат да ја поправат шахтата, но за сето тоа ќе биде потребно време, но денешниот тренинг сепак ќе се заврши.
Макс Верстапен досега имаше најдобри резултати на претсезонските тестирања и се чини дека возачот на Ред Бул е на пат да ја одбрани титулата.
Новата сезона во Формула 1 започнува следниот викенд со Големата награда на Бахреин на патеката Сахир.
