Времето денеска ќе биде променливо облачно со сончеви периоди и значително потопло, во утринските часови со локален дожд.
Попладне ќе биде нестабилно, претежно во западните делови со краткотраен пороен дожд и грмежи.
Ќе дува засилен југоисточен ветер, со брзина и над 70 километри на час.
Минималната температура ќе биде во интервал од 3 до 8, а максималната ќе достигне од 17 до 21°C.
Во Скопје ќе биде променливо облачно со сончеви периоди, а попладне во некои делови ќе има услови за краткотраен пороен дожд. Ќе дува засилен југоисточен ветер. Минималната температура ќе се спушти до 6, а максималната ќе достигне 21°C.
Според УХМР, утре претпладне ќе има услови за локален дожд, а потоа ќе следува сончево време со мала до умерена облачност и значително потопло со температури кои од недела на повеќе места ќе надминат 25°C.
