Магазинот Vogue оддаде почит на кралицата Елизабета Втора по повод 70 години од нејзиното владеење.
Се наближува 96 роденден на кралицата, а по тој повод на насловната на Vogue е објавена црно-бела фотографија од Елизабета. Ова е прв пат кралицата да се појави на насловната страница на ова списание.
Црно-белата фотографија е направена во 1957 година, пет години по почетокот на нејзиното владеење. На неа позира со дијамантска круна првично изработена за кралот Џорџ IV.
Инаку, априлскиот број на британскиот Vogue ќе излезе со двојна насловна страница, на едната е кралицата Елизабета Втора, а на другата актерката Ања Тејлор-Џој, која ја нарекуваат модерна панк принцеза.
И таа позира со круна.
