Радев: Позитивен знак е желбата на претседателката за средба, очекуваме промена на реториката и крај на јазикот на омраза

Република Северна Македонија мора да покаже дека навистина сака да биде дел од обединета Европа со тоа што ќе ги исполни сите барања што ѝ ги поставува ЕУ како што беше за секоја земја членка. Ова го изјави бугарскиот претседател Румен Радев пред новинарите во Рим.

„Мојата порака до претседателката на Република Северна Македонија е дека Бугарија очекува промена на реториката и конечно крај на јазикот на омразата“, додаде шефот на државата, пренесуваат бугарските медиуми.

Претседателот објасни дека бугарската делегација не можела да се сретне со делегацијата на Република Северна Македонија, која престојува во Рим.

Претседателката на Република Северна Македонија, Гордана Силјановска-Давкова, ја предводи државно-црковната делегација на земјата во Италија и Ватикан по повод 24 мај, а настанот е под мотото „Македонија во чест на Св. Кирил“. Од кабинетот на Силјановска информираат дека таа ќе има аудиенција кај поглаварот на Римокатоличката црква, папата Франциск, а на 23 мај ќе се сретне и со државниот секретар на Светата столица, монсињор Пјетро Паролини, пишуваат бугарските медиуми.

„Позитивен знак е што претседателката на Република Северна Македонија покажа стремеж за ваква средба“, одговори Радев на прашањето дали е побарана средба меѓу него и Силјановска-Давкова во Рим.

Тој објаснил дека програмата е исполнета до минута.

„Очекувам дека таква средба ќе има наскоро“, додаде тој. „Вчера имавме многу продлабочен и пријателски разговор со претседателите на Италија, Португалија и Грција“, рече Радев. Претседателот на Република Северна Македонија со години го поканувам во Бугарија. Ја поканувам, секако“, одговори Радев на прашањето дали сега ја кани Силјановска-Давкова.

„Сметам дека желбата на Република Северна Македонија за дијалог е позитивен знак. Само преку дијалог ќе ја зајакнеме меѓусебната доверба, ќе ги решиме сите спорни прашања и ќе ја отвориме вратата на Северна Македонија кон ЕУ. Се надевам, и мој апел е дека оваа средба ќе се случи час поскоро. На ред е претседателот на Северна Македонија, ако не се лажам, да дојде во Бугарија“, коментира шефот на државата.

реклама

Се појави нов сој на коронавирусот

Read more

Илон Маск: Во иднината нема да има телефони

Read more
Брзи и лесни летни рецепти

Готвење за двајца: Брзи и лесни летни рецепти

Read more

Грешки во готвењето што го расипуваат вкусот на полнетите пиперки

Read more

Регион

Бомбашки напад во Црна Гора, убиени двајца припадници на мафијашки клан

Read more

Три земјотреси за неколку минути го погодија Крит

Read more

Повторно ќе биде сослушан осомничениот за убиството на двегодишната Данка

Read more

Земјотрес со јачина од 4,3 степени во Бугарија

Read more
 

Вести

Реакции на новиот договор меѓу Путин и Ким: НАТО е загрижена, САД молчат

Читај повеќе

ЕУ го договори 14-тиот пакет санкции против Русија

Читај повеќе

Во која ЕУ земја се највисоки трошоците на домаќинствата?

Читај повеќе

Левица: Дали велешкото езеро е пред еколошка катастрофа?

Читај повеќе

Бомбашки напад во Црна Гора, убиени двајца припадници на мафијашки клан

Читај повеќе

Сè повеќе повици за присуство на змии во Македонија, ЦУК со апел за внимателно движење во природа

Читај повеќе

Доларот слабее трет ден по ред

Читај повеќе

Европските конзервативци станаа третата најсилна група во ЕУ парламентот

Читај повеќе

Исчезнаа седум Непалци кои работеле во скопски фирми

Читај повеќе