Голема глупост направи Анте Ребиќ во дербито од 27. коло од Серија А.
Во првата од петте минути судиско надополнување на натпреварот Милан-Наполи (0:1) доби црвен картон. Тоа беше само половина час откако влезе во игра како напаѓачот со кој неговиот тим се обидуваше да избегне пораз.
Наместо тоа, Ребиќ ги остави своите соиграчи без шанса да спасат барем еден бод, со сериозна навреда кон судијата Фабрицио Пасква, кој му даде црвен картон за тоа.
Италијанските фудбалски фанови што го гледаа преносот не можат да се согласат со она што го рече Ребиќ, лут што судијата не досуди фаул врз него.
Некои тврдат дека му рекол „кучкин син“, а други дека го навредувал со зборовите: „Ја видов мајка ти, проститутка е во Неапол“.
Во секој случај, Ребиќ заслужи црвен картон за ваквата навреда на судијата, а ќе биде суспендиран на неколку натпревари.
