Италијанскиот фудбалски сојуз ја намали казната за Анте Ребиќ и тој ќе може да игра на натпреварот во Милано против Сампдорија в сабота.
Рабиќ беше казнет со забрана за играње на два натпревари откако го навреди судијата за време на натпреварот против Наполи.
Ова е епилогот од жалбата што клубот ја испрати откако Дисциплинската комисија на Италијанскиот фудбалски сојуз му одреди казна на Ребиќ кој, доколку е подготвен и ако влезе во изборот на тренерот Стефано Пиоли, ќе може да се врати на терен.
Ребиќ го пропушти натпреварот против Фиорентина поради казната, а казната за вториот натпревар на кој не смееше да настапи е сменета во парична глоба во износ од 15.000 евра.
За потсетување, Ребиќ доби црвен картон пред 15 дена во првата минута од судиското надополнување на натпреварот во кој влезе од клупа во 60. минута кога Милан губеше. Ги остави соиграчите без шанса да спасат барем еден бод затоа што безобразно го навреди судијата Фабрицио Пасква, кој за тоа му даде црвен картон.
Италијанските фудбалски фанови кои го гледаа преносот не можат да се согласат што точно рекол Ребиќ, па некои тврдат дека му рекол „кучкин син“, а други дека го навредувал со зборовите: „Ја видов мајка ти, проститутка е во Неапол“.