Роботот на Boston Dynamics самиот отвора врати

Новиот робот кој го произведе компанијата Boston Dynamics нѐ потсети колку стана мала разликата помеѓу роботите и луѓето, заплашувајќи нѐ дека за неколку години единствената разлика помеѓу нас и нив ќе биде пулсот.

Доколку новите епизоди на серијата „Black Mirror“ не ве потресоа доволно, технологијата ќе најде начин да го направи тоа далеку поефективно. Новиот робот на Boston Dynamics, SpotMini, може самиот да прави активности кои бараат напредно размислување. Тој не само што може самиот да си ја отвори вратата, туку е способен и да ја задржи за неговиот „колега“ да може да помине низ неа.