Фабрицио Романо, авторитетот број 1 во светот кога се во прашање трансферите, на својот Twitter профил објави дека денес ќе биде голем ден за Реал Мадрид.
Актуелниот шампион на Шпанија и Европа ќе објави дека го донесе Орелиен Чоамени, но претходно ќе одржи кратка церемонија на која и официјално ќе потврди дека Лука Модриќ потпишал нов договор со Кралскиот клуб.
The Athletic пишува дека Реал и Чоамени постигнале усмен договор според кој ќе дојдат во Реал за 100 милиони евра. За да се заклучи трансферот треба да се реши документацијата, а потоа и официјално соопштение. Чоамени оваа сезона одигра 50 натпревари за Монако, постигна пет гола и асистираше на три.
Тој стана важен дел и од француската репрезентација за која дебитираше во септември минатата година. Досега има забележано десет настапи за тимот на Дидие Дешамп.
Шпанските медиуми шпекулираат дека договорот на Модриќ, кој истекува летото 2023 година, би требало по вредност да биде многу блиску до последниот. Иконата на хрватската репрезентација и Реал Мадрид заработува 9,5 милиони евра по сезона. Со потпишувањето на супербогатиот договор со Тотенхем, Перишиќ го собори од тронот на најплатените хрватски спортисти.
Зад Модриќ е прекрасна сезона во кралскиот клуб. Тој стигна до својата петта титула во Лигата на шампионите и одигра толку добро што УЕФА го вброи меѓу најдобрите тимови во најелитното фудбалско натпреварување во светот.
По освојувањето на ЛШ, Marca му посвети посебен текст со наслов „Вечен талент“: „Начинот на кој го прослави враќањето против ПСЖ беше навестување дека се создава нешто големо. Лука Модриќ доживеа пораз во полуфиналето од Баерн во 2013 година во циклус кој му претходеше на оној што се отвори една година подоцна и во кој неговата фигура порасна и стана златен стандард оваа сезона. Седум години подоцна, Хрватот беше душата на враќањето на Реал“.