Кристијано Роналдо постигна три гола на два натпревара за Јувентус под водство на Пирло.
Португалецот вечерва на дербито со Рома два пати се запиша во листата на стрелците и го спаси шампионот од пораз.
„Мислам дека заработивме еден важен бод. Тоа се случи во тешка ситуација. Дури и се вративме резултатски со играч помалку на теренот. На крајот на шампионатот овој бод може да биде важен. Ние сме на почетокот на сезоната, имаме нов тренер, нови идеи, но гледам дека тимот работи добро, со ентузијазам. Нè чека светла иднина. Гледаме дека тимот сега тренира со задоволство, со насмевка“, изјави Роналдо.
Рома водеше со 1:0 и 2:1, имаше и играч повеќе од 62. минута, но на крајот мораше да се задоволи само со бод.
Јувентус има четири, Рома еден бод по првите две кола во Серија А.
