Арктичката зимска бура, што го зафати поголемиот дел од Средниот запад и северот на САД, однесе 63 животи, објавијак американските медиуми.
Бајрон Браун, градоначалникот на Бафало, каде властите соопштија за 27 загинати, изјави дека бурата веројатно е најлошата во последните 50 години.
Националната метеоролошка служба соопшти дека подобрување на временските услови може да се очекуваат од вторник.
Божикните празници годинава на северноамериканскиот континент минаа во снежна бура, со околу 60 отсто од населението на САД соочено со зимски проблеми, како и со екстремно ниски температури.
Вчера во САД биле одложени повеќе од 2.800 летови. Аеродромите се затворени, а Бафало, Денвер, Колорадо, Детроит и Мичиген се само некои од главните аеродроми на кои се откажани летовите.
Американскиот претседател, Џо Бајден, одобри прогласување вонредна состојба за државата Њујорк по смртоносната снежна бура.