Познатиот шведски напаѓач Златан Ибрахимовиќ се „препорачува“ како советник на Дидје Дешан.
Шведскиот напаѓач Златан Ибрахимовиќ не е навикнат да дава протоколарни изјави, но секогаш кога зборува - или некого ќе налути, или ќе насмее.
Така беше и овојпат кога зборуваше за Карим Бензема, официјално најдобриот светски фудбалер за претходната сезона, кој извесно време беше „трн во око“ на сите во Франција. Познато е дека причината за ова е познатиот секс-скандал со Валбуена, поради кој Бензема беше исфрлен од репрезентацијата, а во тоа време Ибрахимовиќ беше еден од ретките кои застанаа на негова страна додека медиумите редум го прозиваа.
„Се сеќавате ли во 2018 година кога реков дека Карим Бензема заслужува место во француската репрезентација, а вие новинарите ме нападнавте. Што велите сега? Сега му лижете г*з на Бензема! Не се плашам од овие зборови“, рече Ибрахимовиќ. за време на гостувањето на една француска телевизија.
Ибрахимовиќ го „пецна“ Дидје Дешан затоа што не го однесе Бензема на Светското првенство во Русија, но и без него тимот успеа да ја освои титулата. Тогаш Оливје Жиру го предводеше нападот, кој иако не постигна ниту еден гол на турнирот, беше еден од најважните играчи во системот на Дешан. Жиру пред почетокот на Европското првенство го загуби местото во тимот и на негово место дојде Бензема, но со него во тимот не успеаја да стигнат до пехарот.
Ќе видиме како ќе се снајде француската репрезентација со Бензема во Катар и дали најдобриот светски фудбалер сега ќе даде поголем придонес, но сепак сè зависи од тоа како ќе се вклопи со Мбапе и Гризман. Само, сега ќе ги нема Канте и Погба да им чуваат грб.
Можеби Дешан би можел да му се јави на Ибрахимовиќ и да праша кого да викне наместо нив, бидејќи самиот се препорача како советник на францускиот селектор кој во групната фаза ќе ги подготвува натпреварите против Австралија, Данска и Тунис.
