Божиќните реклами се појавија доста порано годинава, до божиќната атмосфера има уште три месеци, но сепак тоа не ги спречи некои порано да ја „отворат“ празничната атмосфера.
Првата божиќна реклама во 2022 година се појави уште на 7 октомври на страницата на британската компанија Very.co.uk, а прикажува мајка која порано го слави празникот, додека во позадина се слуша дека Божиќ не е само еден ден, туку повеќе дена.
Колку и да е тоа точно, луѓето сѐ уште не можат да ја почувствуваат празничната атмосфера уште во октомври, па некои искажаа незадоволство во коментари, пишувајќи дека им е уништено доживувањето.
„Без разлика колку го сакам Божиќ, смешно е сега да гледам божиќна реклама“, напиша еден гледач.
Друг смета дека обожава да гледа божиќни реклами, но оваа година тоа се случило на почетокот на октомври.
„Тоа е она што не е во ред до Божиќ, почнува 12 неделни пред вистинскиот ден. Навистина смешно“, гласи друг коментар.
Не е првпат оваа британска компанија да објавува прерани божиќни реклами. Тоа се случи и минатата година, кога тоа го направија на 1 ноември.
