На 18. јули е закажана аукција за продажба на болидот кој му припаѓаше на седумкратниот светски првак во Формула 1, Луис Хамилтон, со кој во 2010 година победи на трката за Големата награда на Турција.
Се проценува дека болидот MP4-25А на McLaren на аукцијата ќе достигне цена помеѓу 5 и 7 милиони долари.
Овој болид е значително понапреден од неговиот претходник поради F-Duct дизајнот кој овозможува подобра аеродинамика. Во описот се наведува дека болидот уште може да вози на патека.
Не е познато колку вакви болиди денес се наоѓаат во приватна сопственост.