Селекторот на кошаркарскта репрезентација на Македонија, Александар Јончевски, го соопшти списокот на селектирани кошаркари за претстојните два квалификациски дуели.
Вториот и последен тренинг во СРЦ „Кале“ во Скопје го одреди и конечниот список на 12 кошаркари кои утре ќе отпатуваат за Словачка, поточно за Левице, каде Македонија против домашѓната репрезентација ќе го игра натпреварот од 5. коло од претквалификациите за ЕвроБаскетот 2025.
Селекторот Јончевски се определи за скоро истиот состав кој ги одигра последните два натпревара, оние против селекциите на Данска и на Норвешка кои беа дел од ноемврискиот прозорец нa ФИБA, одиграни во Гевгелија.
Ново име во ростерот на „Црвено-жолтите“ е кошаркарот на Сигал од Приштина, Лејсон Зеќири, кој ќе го очекува своето деби во дресот со националните бои.
Македонија против Словачка игра в четврток на 23 февруари во Левице, а против репрезентацијата на Норвешка в недела на 26 февруари во Осло.
За решавачките средби од Д групата од претквалификациите за ЕвроБаскет 2025 селекторот Јончевски смета на следните кошаркари:
Кристијан Николов - Коњаспор (Турција)
Андреј Магдевски - Донар (Холандија)
Војдан Стојановски - МЗТ
Дамјан Робев - МЗТ
Бојан Крстевски - МЗТ
Адем Мекиќ - Тимишоара (Романија)
Ти-Џеј Шортс - Баскетс Бон (Германија)
Теодор Симиќ - Борац (Босна и Херцеговина)
Стојан Ѓуроски - Оуренсе (Шпанија)
Лејсон Зеќири - Сигал (Косово)
Андреј Маслинко - Пелистер
Страхил Николов - ТФТ Моцарт