Mercedes тврди дека на 150 мерни места, со по две возрасни кукли, биле забележани мали ризици од опасни повреди.
Постојат различни митови и легенди за електричните автомобили, како што е случајот со сите нови технологии. Додуша, електричните автомобили не се огромна новина, но сегашниот наратив во автомобилската индустрија е дека тие ќе станат наша иднина.
Значи, една од претпоставките е дека во случај на судир брзо ќе се запалат поради батериите со хемиски соединенија кои поддржуваат горење. Сепак, креш тестовите, како и самите несреќи, одат во прилог на оваа технологија.
Имено, електричните автомобили ќе се запалат, но не почесто од автомобилите на бензин и дизел. За да ја докаже безбедноста на електричната технологија, Mercedes директно судри два свои модела, односно го организираше нивниот креш тест под контролирани услови.
Mercedes EQA и EQS директно се судриле, едниот тежок 2,2 тони, а другиот 3 тони. Двете возила се движеле со брзина од 56 км/час и имале 50 проценти фронтално преклопување во моментот на ударот.
Тест-сценариото покажува вообичаен тип на несреќа на локалните патишта. Брзината на симулираната несреќа зема предвид дека возачите сепак би се обиделе да сопираат во вистински настан пред возилата да се судрат. Овој тест ги надминува барањата на креш тестот на EuroNCAP кој се одвива со брзина од 50 км/час.
Иако станува збор за тешки возила, и во двата случаи патничкиот простор остана недопрен и вратите може да се отворат по несреќата. Високонапонските системи беа автоматски деактивирани за време на падот, а самите батерии останаа недопрени.
Од Mercedes тврдат дека на 150 мерни места, со по две возрасни кукли биле забележани мали ризици од опасни повреди.
Погледнете го видеото: