McLaren 720S Spider се покажа како доста популарен изминативе годините, а некои сопственици осдлучија да ги модифицираат своите примероци за да ги направат попосебни и уште повпечатливи.
Од турбополначи до целосно обновени мотори, тјунерите развија различни пакети за овој суперавтомобил. Еден 720S Spider особено се издвојува благодарение на бојата и бандажите. Станува збор за бандажи произведени од компанијата Strasse, а комплетот е наречен SV4 Deep Concave FS. Предните димензии се 19х9, задните 20х12 инчи, централниот дел е црн, додека контрастот го прават портокаловите клешти на сопирачките. Во централниот дел има корици со логото на Strasse во жолта боја.
Каросеријата на суперавтомобилот е обоена во Paris сина боја, што навистина ги истакнува прекрасните линии на овој McLaren.
Потсетуваме дека претходно оваа година McLaren го претстави наследникот на 720S во форма на новиот 750S. Иако автомобилот изгледа речиси идентично, тој претрпе бројни промени поврзани со суспензијата и управувањето, додека моќноста на 4.0-литарскиот твин-турбо V8 мотор е зголемена на 740 КС и 800 Nm вртежен момент.
