Корисник на Reddit тврди дека фотографирал од внатрешноста на Северна Кореја откако прелетал со дрон над границата, а она што е снимено за многумина е фасцинантно.
Имено, корисникот на споменатата социјална мрежа под прекарот XiaoHao2 објави неколку воздушни фотографии, тврдејќи дека додека бил во Кина, успеал да ја долови територијата на Северна Кореја со помош на дрон.
Тој не ја посочи точната локација каде ги направил фотографиите, но на фотографиите се градски улици, згради и портрети на Ким Ил Сунг и Ким Џонг Ил.
Иако не е јасно во кое време се создадени, улиците во голема мера се лишени од возачи и пешаци. На некои фотографии дури се гледаат луѓе на земја кои покажуваат кон дронот.
Токму немањето луѓе на улиците многумина го забележаа на фотографиите, а меѓу другото забележаа и дека нема семафори.
Posts from the pics
community on Reddit
„Изгледа како модел на град“, гласеше еден од коментарите, а напишаа и дека се „фасцинирани од морничавата празнина“.
Оваа објава привлече големо внимание на интернет бидејќи многумина се изненадени колку било лесно да се направат такви снимки.
